Статкевіч не спадзяецца на амністыю

Зняволены кандыдат на выбарах у прэзідэнты 2010 года Мікалай Статкевіч не спадзяецца, што яго вызваляць па амністыі. Аб гэтым ён паведаміў жонцы Марыне Адамовіч у тэлефоннай размове вечарам 5 мая.

Як паведаміла Адамовіч, Статкевічу далі дазвол на кароткія званкі ў выхадны, хоць раней у турме паведамлялі, што ён зможа паразмаўляць з роднымі толькі ў працоўны дзень. «У размове ён адзначыў, што да яго прыходзяць нейкія аптымістычныя паштоўкі, у якіх гаворыцца, што Лукашэнка паабяцаў амністыю да Дня Незалежнасці. Ён папрасіў усіх такіх паштовак не слаць, бо не верыць у тое, што яго вызваляць», — сказала Адамовіч.

Акрамя таго, Адамовіч адзначыла, што Статкевіча больш не непакояць праблемы з сэрцам. «Ён адзначыў, што ў медыцынскія бандэролі, якія я яму адпраўляла, не трэба класці сардэчны прэпарат „Панангін“. І нават пахваліўся, што неяк іх вывелі не ў звычайны дворык, а ў іншы, дзе ёсць турнік.

І ён лёгка падцягнуўся 12 разоў. У шклоўскай калоніі да таго часу, пакуль не спілавалі турнік, ён падцягваўся 15 разоў. Значыць, з тонусам у яго ўсё ў парадку», — сказала Адамовіч.

Нагадаем, у маі 2011 года суд прызнаў Мікалая Статкевіча вінаватым у арганізацыі масавых беспарадкаў і прыгаварыў яго да шасці гадоў пазбаўлення волі ў калоніі ўзмоцненага рэжыму. Ён адбываў пакаранне ў шклоўскай калоніі № 17, аднак 15 студзеня 2012 года быў пераведзены ў магілёўскую турму № 4. Прычынай стала афіцыйнае прадстаўленне адміністрацыі калоніі, згодна з якім асуджаны палітык «не стаў на шлях выпраўлення», «да ўмоўна-датэрміновага вызвалення не імкнецца» і пасля адбыцця пакарання мае намер «весці злачынны лад жыцця».

belapan.com

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні