У камэры Статкевіча адключылі ацяпленьне

У камэры палітвязьня, былога кандыдата на прэзыдэнта Міколы Статкевіча адключылі ацяпленьне, паведаміла ягоная жонка Марына Адамовіч. Афіцыйная вэрсія — аварыя.

«Але, наколькі мне вядома, ацяпленьня няма толькі ў некалькіх камэрах, дзесьці ў трох-чатырох. Такая вось вельмі „лякальная“ аварыя, ды і нешта не сьпяшаюцца яе ліквідаваць. Праўда, „пацярпелым“ выдалі па дадатковай коўдры, але імі скарыстацца можна толькі ўначы. А як жа днём?» — задалася пытаньнем Адамовіч у інтэрвію БелаПАН.

«Добрай новай традыцыяй сталі частыя ператрусы, падчас якіх выварочваюцца ўсе рэчы (…) За гэтыя тры гады я атрымаў такі досьвед, што зьдзівіць мяне чымсьці складана. А прымусіць „папрасіцца“ тым больш. Не дачакаюцца», — піша Статкевіч з магілёўскай турмы № 4.

Марына Адамовіч лічыць, што ціск на мужа ўзмацніўся, каб прымусіць яго напісаць прашэньне аб памілаваньні.

У траўні 2011 году суд Ленінскага раёна Менску прыгаварыў Статкевіча да шасьці гадоў пазбаўленьня волі па абвінавачваньні ў арганізацыі масавых беспарадкаў у дзень выбараў прэзыдэнта, 19 сьнежні 2010 г.

Статкевіч — адзіны кандыдат у прэзыдэнты на выбарах 2010 году, які да гэтага часу знаходзіцца ў зьняволеньні. Яму неаднаразова прапаноўвалі напісаць прашэньне аб памілаваньні на імя Аляксандра Лукашэнкі, аднак Статкевіч катэгарычна адмаўляўся гэта зрабіць. Пасьля гэтага ціск на палітвязьня ўзмацніўся.

Былы кандыдат на прэзыдэнта Мікалай Статкевіч асуджаны на 6 гадоў зьняволеньня нібыта за арганізацыю беспарадкаў 19 сьнежня 2010 году. Пакараньне адбывае ў Магілёўскай «крытай» турме.

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні