Начальнік магілёўскай турмы, дзе ўтрымліваецца Статкевіч, змяніўся

У турме №4 у Магілёве, дзе адбывае пакаранне палітзняволены, былы кандыдат у прэзідэнты Мікалай Статкевіч, змяніўся начальнік. Пра гэта палітык паведаміў у апошняй тэлефоннай размове са сваёй жонкай Марынай Адамовіч.

За ўдзел у плошчы 2010 года Статкевіч асуджаны на 6 гадоў зняволення па артыкуле аб масавых беспарадках. Спачатку адбываў пакаранне ў Шклоўскай калоніі №19, а потым быў пераведзены на больш жорсткі турэмны рэжым.

Марына Адамовіч кажа, што апошнія змены ў кіраўніцтве турмы яе непакояць, хаця настрой у Мікалая Статкевіча падчас іх размовы быў добры.

– Ён быў вясёлы, быў сапраўды у такім нармальным стане. Адзінае, што ў іх там новы начальнік турмы ад першага верасня. Мікола пажартаваў, што варта чакаць новага крэатыву – стары не справіўся. Яго звольнілі, ці адправілі ў адстаўку, карацей кажучы, ён страціў пасаду. Неафіцыйна ішла інфармацыя, што не справіўся. А гэта нас не радуе, як вы здагадваецеся.

Мікалай Статкевіч і пры старым начальніку турмы Аляксандры Ламазе, падвяргаўся моцнаму ціску. Яго неаднаразова змяшчалі ў карцар, у камеру да яго спрабавалі падсяліць хворага на СНІД зняволенага. Галоўнай мэтай прэсінгу было прымусіць Статкевіча напісаць прашэнне аб памілаванні на імя кіраўніка дзяржавы. Аднак палітзняволены неаднаразова адмаўляўся пісаць яго. Праз Магілёўскую турму № 4 раней прайшлі палітзняволеныя Андрэй Саннікаў і Зміцер Дашкевіч. Зараз там, акрамя Статкевіча, знаходзіцца актывіст незарэгістраванай партыі “Беларуская хрысціянская дэмакратыя” Яўген Васьковіч.

racyja.eu

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні