Статкевіча пачалі шантажаваць свабодай блізкіх людзей

Па звестках з калоніі горада Шклова, кандыдата ў прэзідэнты на мінулых выбарах Мікалая Статкевіча прымушалі падпісаць прашэнне аб памілаванні, выкарыстоўваючы шантаж.

Палітыку пагражалі, што калі ён адмовіцца напісаць патрэбную паперу, то яго грамадзянская жонка Марына Адамовіч ці яе сын будуць арыштаваны.

Марыны Адамовіч не выключае, што так яно і было.

– Гэта цалкам адпавядае метадам работы тых арганізацый, якія называюць сябе спецслужбамі. А для мяне гэта проста не навіна, а калі навіна, то 10-месячнай даўніны. Таму я веру ў тое, што такія метады маглі быць скарыстаныя супраць Міколы дзеля таго, каб дамагчыся ад яго напісання прашэння аб памілаванні. Бо якім яшчэ спосабам можна ўздзейнічаць на Міколу.

Марына Адамовіч не верыць, што гэтыя пагрозы могуць быць рэалізаваныя. «Гэта было б занадта вар’яцкім і вельмі відавочным глупствам. Асабліва ў сённяшніх рэаліях», — кажа яна.

Мікалай Статкевіч за падрыхтоўку і ўдзел у «плошчы 2010» асуджаны па артыкуле аб масавых беспарадках на 6 гадоў зняволення ў калоніі ўзмоцненага рэжыму. Сваёй віны ён не прызнаў.

racyja.com

- у навінах

 

Іншыя палітычныя вязьні