Былы палітычны зняволены Мікалай Дзядок выказаў на сайце palitviazni.info сваё стаўленне да таго, якім чынам зараз развіваюцца беларуска-еўрапейскія адносіны.
“Тое, як будуць далей развівацца стасункі, залежыць, на мой погляд, ад таго, хто – МВФ ці Расія, першым дасць Беларусі крэдыт, – лічыць Мікалай Дзядок. – Але, лічу, у выпадку атрымання крэдыту ад любога з іх “лібералізацыя” пачне згортвацца. Асаблівасць беларускага рэжыму ў тым, што ён фактычна не робіць стратэгічных рашэнняў, жыве адным днём”.