Уладзімір Навумік

Уладзімір Навумік — член ініцыятыўнай групы па вылучэнні ў прэзідэнты Святланы Ціханоўскай.

Мае вышэйшую адукацыю, працуе інжынерам на прадрыемстве “Гандальмаш”. Жанаты, ёсць маленькая дачка.

Пасля затрымання Уладзіміра Навуміка, які зараз знаходзіцца ў СІЗА-1, да яго дадому прыйшлі з праверкай загадчыца, выхавальнік і псіхолаг дзіцячага садка, у які ходзіць іх пяцігадовая дачка.

Сказалі, што пасля ператрусу, які праводзіўся ў сувязі з затрыманнем Уладзіміра, да іх паступіла інфармацыя аб тым, што ў кватэры Навумікаў нібыта неналежныя ўмовы для выхавання дзіцяці.

Як звычайна ў такіх выпадках камісія з дзіцячага садка праверыла наяўнасць прадуктаў у лядоўні сям’і, асноўнага кармільца якога беларуская дзяржава кінула за краты, чысціню у кватэры, наяўнасць іншых умоваў для маленькай дачкі, інфармуе novychas.by

Відавочна, што на сям’ю Навумікаў праз камісію з дзіцячага садка аказваўся ціск.

Храналогія пераследу

Знаходзіўся на пікеце па зборы подпісаў у Гродне 29 траўня. Затрыманы 31 траўня. Выстаўленыя абвінавачванні паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак) КК.

Праваабарончай супольнасцю Уладзімір Навумік прызнаны палітвязнем.

Справы, якія датычацца гэтага чалавека:

Іншыя палітычныя вязьні