Вяргілій Ушак

Вяргілій Ушак — аператар, які здымаў пікет па зборы подпісаў у Гродне 29 мая.

Вяргілію Ушаку 26 гадоў. Ён праграміст па адукацыі, апошнім часам працаваў у Свята-Елісавецінскім манастыры аператарам ЭВМ. Захапляецца фатаграфіяй, робіць фотасесіі.

Са слоў Надзеі Салодкай – нявесты Вяргілія – ён не быў актывістам, ніколі не прымаў удзел у палітычных ці грамадскіх акцыях, але, як любы грамадзянін, сачыў за тым, што адбываецца ў краіне, чытаў навіны.

“Як Вяргілій трапіў на пікет 29 траўня?  Ён адгукнуўся на аб’яву пра пошук аператара для здымкі на пікеце менавіта ў Горадні, – распавяла Надзея belsat.eu. – Тая пятніца ў яго была вольным днём, таму ён паехаў у Горадню, каб паздымаць.

Гэта наогул была першая ў яго жыцці грамадзянская актыўнасць. Ніякіх грошаў яму дакладна не прапаноўвалі”.

Хроніка пераследу

Вяргілій Ушак быў затрыманы 29 мая 2020 году.

Яму прад’яўлены абвінавачванні паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак) Крымінальнага кодэкса).

Па словах яго нявесты Надзеі, Вяргілій раней не быў знаёмы ні з кім з каманды “Краіны для жыцця” або ініцыятыўнай групы Ціханоўскай.

Праваабарончай супольнасцю Вяргілій Ушак быў прызнаны палітвязнем.

29 ліпеня Вяргілій Ушак выйшаў на волю, аднак застаецца падазраваным па крымінальнай справе. Яму абраная мера стрымання ў выглядзе падпіскі аб нявыездзе.

palitviazni.info

Справы, якія датычацца гэтага чалавека:

Іншыя палітычныя вязьні