Яшчэ ў 2012 годзе на Новы год у Маладзечанскім клубе «НЭО», у Алесі Садоўскай знік тэлефон. Супрацоўнікі клуба па яе просьбе выклікалі міліцыю. Але праваахоўнікі паленаваліся скласці пратакол у святочны час і параілі звярнуцца ў РАУС пасля святаў. Просьбы маладой жанчыны дзейнічаць у адпаведнасці з законам іх толькі раззлавалі, і міліцыянты сталі паводзіць сябе задзірліва. За тое, што жанчына працягвала адстойваць свае правы, супрацоўнікі міліцыі зрабілі ёй “ластаўку” і склалі пратакол. На гэтым гісторыя Алесі толькі пачалася. Крымінальная справа, судова-псіхіятрычная экспертыза, адабраньне дачкі – гэта толькі частка таго, з чым давялося ёй сутыкнуцца. Сваю гісторыю, якая цягнецца і дагэтуль, Алеся Садоўская распавяла ў інтэрв’ю ніжэй: