Уладзімір Някляеў: Хто стварыў суды, у якіх суддзя – проста балванчык?

Былы палітвязень Уладзімір Някляеў пракаментаваў суд над прафсаюзнымі актывістамі.

“У сістэме прававой дзяржавы сітуацыя кшталту той, што стала зачэпкай для крымінальнай справы супраць незалежнага прафсаюза РЭП, проста не магла ўзнікнуць”, – лічыць палітык.

2 жніўня – чацвёрты дзень судовага працэса над лідарамі прафсаюзу РЭП Генадзем Фядынічам і Ігарам Комлікам.

Прафсаюзным лідарам прад’яўлена абвінавачванне па ч. 2 арт. 243 Крымінальнага кодэкса Рэспублікі Беларусь (ухіленне ад выплаты сум падаткаў, збораў у асабліва буйным памеры).

Па інфармацыі, якую распаўсюдзіў Следчы камітэт, Генадзь Фядыніч і Ігар Комлік мелі рахунак у Літве, у 2011 годзе ад нерэзідэнтаў Беларусі на яго паступалі грошы ў замежнай валюце агульным памерам 140 тысяч еўра.

Паводле разліку Дэпартамента фінансавых расследаванняў Камітэта дзяржкантролю, сума нявыплачаных падаткаў склала каля 23 тысяч рублёў.

Генадзю Фядынічу і Ігару Комліку пагражае абмежаванне волі на тэрмін да 5 гадоў або пазбаўленне волі на тэрмін ад 3 да 7 гадоў з магчымай канфіскацыяй маёмас

“У свой час мяне з дыягназам “транзіторная ішымічная атака” не пачалі лекаваць, а пасадзілі ў турму, – выказаўся Уладзімір Някляеў на сваё старонцы ў сацыяльных сетках. – З гэтакім дыягназам пасадзіла ў турму год таму суддзя Марына Фёдарава. Турэмны доктар сказаў, што такіх суддзяў саміх судзіць трэба. А гэтая “суддзя” сёння судзіць кіраўнікоў незалежнага прафсаюза”.

Палітык лічыць, што кіраўнікоў незалежнага прафсаюза “судзіць не Фёдарава, а той, хто загадаў судзіць”.

“Хто ж стварыў суды, у якіх суддзя – проста балванчык, які механічна зачытвае выракі? – задаецца пытаннямі Някляеў. – Хто стварыў сістэму, у якой усё, у тым ліку чалавечыя лёсы, вырашае, абапіраючыся на сілавыя, рэспрэсіўныя структуры, выканаўчая ўлада?.. У сістэме прававой дзяржавы сітуацыя ктшталту той, што стала зачэпкай для крымінальнай справы супраць незалежнага прафсаюза РЭП, проста не магла ўзнікнуць. Яна ўзнікла толькі таму, што прафсаюзы, як і ўся краіна, існуюць ва ўмовах бяспраўя, ва ўмовах татальнага палітычнага ціску. І мяняць гэтыя ўмовы ніхто не збіраецца, што непазбежна прывядзе краіну да палітычнага і эканамічнага калапсу”.

palitviazni.info

- у навінах

 

Зьвязаныя навіны:

19.12.2019 Уладзімір Някляеў: У 2010 годзе на плошчу выйшлі людзі, якія разумеюць жыццё не толькі як спосаб есці і піць…

28.10.2019 Уладзімір Някляеў: Сядзець не магу – працую над раманам стоячы…

24.07.2019 Уладзімір Някляеў: У Мінску ў мяне ёсць справы і асабістыя, і палітычныя

14.06.2019 Уладзімір Някляеў: Знаходжанне ў следчым ізалятары КДБ у 2010 годзе нагадвае пра сябе і ў Швецыі

15.05.2019 Уладзімір Някляеў дасць у Швецыі прэс-канферэнцыю

31.01.2019 Уладзімір Някляеў: Са “справы БЕЛТА” атрымаўся чарговы пшык

08.08.2018 Уладзімір Някляеў: Гэта толькі нагода для таго, каб правесці ператрусы…

02.08.2018 Уладзімір Някляеў: Хто стварыў суды, у якіх суддзя – проста балванчык?

27.06.2018 Уладзімір Някляеў: Гэта наўпроставае знішчэнне незалежнага прафсаюза…

26.03.2018 Уладзімір Някляеў: Кіраўніцтва адной амбасады паклапацілася пра тое, каб мне перадалі лекі ў камеру

Іншыя палітычныя вязьні

  • Тацяна Елавая
  • Сяргей Казакоў
  • Іван Гапонаў
  • Яна Палякова
  • Алесь Бяляцкі