Мікалай Статкевіч: Штрафы не лічу і не аплочваю

DSCN5794 Былы палітвязень Мікалай Статкевіч пасля выхаду на волю ўжо правёў шэраг акцый пратэсту, за што не раз быў прыцягнуты да адміністратыўнай адказнасці.

Між тым, сам палітык на гэтыя суды не ходзіць, а пра свае штрафы даведваецца са СМІ.

“Штрафы не лічу і не аплочваю”, – паведаміў Мікалай Статкевіч сайту palitviazni.info.

– Сёння, 3 сакавіка, прыйшла чарговая абвестка з аддзела судовага прымусовага выканання Ленінскага раёна, — распавядае былы кандыдат у прэзідэнты. – Мне нагадалі, што трэба заплаціць 4 мільёны 200 тысяч рублёў на карысць дзяржавы. На гэты раз не вельмі шмат. Шчыра прызнаюся, што я не маю дакладную лічбу, колькі разоў мяне штрафавалі за той час, як я выйшаў на волю. Хоць са СМІ ведаю, што мне прысудзілі чатыры штрафы, затым былі нейкія дзіўныя SMS-кі незразумелага зместу. Апошняя такая прыйшла 31 снежня мінулага году – маўляў, мне трэба прыйсці ў суд. Зараз ізноў хакеры нешта даслалі.

– Ці аплочваеце вы штрафы?

– Не аплочваю, бо наогул не лічу, што гэтыя суды былі. Павестак туды я не атрымліваў, а хто мне дасылае SMS-кі – я не ведаю. Можа хакеры праз Інтэрнэт?І ўвогуле, тут у мяне прынцыповая пазіцыя – я не лічу сябе вінаватым, каб пачынаць плаціць.

Які ў вас статус пасля выхаду на волю?

– Я знаходжуся пад прафілактычным наглядам. Гэты нагляд дастаткова мяккі, ён дазваляе з’язджаць з месца жыхарства за мяжу да 30 дзён, дазваляе самастойна змяняць месца жыхарства, але пры гэтым трэба папярэджваць органы міліцыі. Але ў выпадку трох адміністратыўных парушэнняў прафілактычны нагляд можа быць заменены на прэвентыўны, і там ужо больш жорсткія ўмовы. А далей можа быць ізноў турма.

– Адным словам, да вас зараз могуць ужыць прэывентыўны нагляд, бо тры адміністратыўныя парушэнні ўжо ёсць?

– Безумоўна, і ўжо даўно маглі гэта зрабіць.

palitviazni.info

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні