Алесь Міхалевіч: Чакаю, што Беларусь стане больш беларускай

12002772_1017588348273697_3504167498889920434_n_0Экс-кандыдат у прэзідэнты Алесь Міхалевіч быў вымушаны пакінуць Беларусь пасля прэзідэнцкай кампаніі 2010 году. Тады ён з шэрагам іншых кандыдатаў на вышэйшую пасаду ў краіне апынуўся пад крымінальным пераследам. Міхалевіч стаў адным з фігурантаў нашумелай справы “Аб масавых беспарадках”. Пэўны час палітык знаходзіўся ў СІЗА КДБ і быў першым з тых, хто заявіў пра жорсткія катаванні ў турэмных засценках.

Выйшаўшы на волю пад падпіску аб нявыездзе, Міхалевічу ўсё ж-такі ўдалося пакінуць Беларусь і эмігрыраваць у Чэхію. Але ў гэтым годзе палітык вярнуўся на радзіму пасля пяці гадоў жыцця за яе межамі.

Напярэдадні Новага году Алесь Міхалевіч даў бліц-інтэрв’ю сайту palitviazni.info.

– Якім для вас асабіста стаў адыходзячы год?

Натуральна, ён стаў для мяне вельмі шчаслівым. Я нарэшце вярнуўся ў Беларусь з вымушанай эміграцыі. Зараз са мной побач мая сям’я і сябры. Гэта самае вялікае шчасце, і, паверце, гэта дарагога каштуе – быць з блізкімі побач, а не на адлегласці.

– Вы дагэтуль застаецеся фігурантам справы “Аб масавых беспарадках”. Нягледзячы на ўсе вашы намаганні і хадайніцтвы, следчыя органы адмаўляюцца закрываць справу супраць вас. З чым гэта, на вашую думку, можа быць звязана?

– Для мяне відавочна: крымінальную справу ў дачыненні да мяне не спыняюць таму, што гэта добрая магчымасць трымаць мяне пад кантролем. Я вельмі спадзяюся, што ў рэшце рэшт яна будзе закрыта, але пакуль маем тое, што маем.

– Тым не менш, грамадзянскай актыўнасці вы не прыпыняеце. Што будзеце рабіць у годзе надыходзячым?

— Па-першае, буду радавацца магчымасці быць побач з роднымі. Па-другое, не пакідаю думкі аб уласным прафесійным развіцці – хачу далей развівацца, як юрыст, каб сваімі канкрэтнымі ведамі дапамагаць канкрэтным людзям. Да таго ж, чакаю, што ў надыходзячым 2016-м годзе Беларусь стане больш беларускай, а дакладней – беларускамоўнай. Ёсць пэўныя планы і задумкі ў гэтым накірунку і ў мяне. Пастараюся зрабіць і свой пасільны ўнёсак у гэтую справу.

palitviazni.info

 

 

 

- у навінах

 

Зьвязаныя навіны:

03.07.2020 «Падстаў для спынення крымінальнага пераследу ў дачыненні да вас не маецца”. Следчы камітэт адказаў экс-палітвязню Алесю Міхалевічу па справе дзесяцігадовай даўніны

24.03.2020 Алесь Міхалевіч: У гэтым годзе маю справу не закрыюць за тэрмінам даўніны

21.06.2019 “Справу Алеся Міхалевіча” закрыюць у наступным годзе?

03.10.2018 Алесь Міхалевіч: Крымінальную справу не хочуць закрываць…

23.04.2018 Былы палітвязень Алесь Міхалевіч зарэгістраваў у Вільні юрыдычны офіс

28.09.2017 Алесь Міхалевіч: Прызнаць невінаватым не хочуць, а прызнаць вінаватым не могуць

28.02.2017 Чаму не закрываюць справу Алеся Міхалевіча?

20.09.2016 Алесь Міхалевіч збіраецца звяртацца па сваёй крымінальнай справе ў Пракуратуру

05.05.2016 Алесь Міхалевіч рыхтуецца да парламенцкай кампаніі

17.02.2016 Экс-кандыдат у прэзідэнты Алесь Міхалевіч будзе балатавацца ў дэпутаты

Іншыя палітычныя вязьні

  • Ігар Аліневіч
  • Віталь Мацукевіч
  • Анатоль Шумчанка
  • Зьміцер Хведарук
  • Юрый Лявонаў