Мікалай Статкевіч: Для Еўропы праблема дэмакратыі ў Беларусі адыходзіць на другі план

DSCN4877 Былы палітзняволены Мікалай Статкевіч распавёў сайту palitviazni.info пра сваю паездку ў Чэхію, чарговы грашовы прысуд і акцыю, прысвечаную памяцi былога мiнiстра ўнутраных спраў Юрыя Захаранкi i старшынi Цэнтральнай выбарчай камiсii Вiктара Ганчара, якая пройдзе 24 лістапада.

Мікалай Статкевіч разам з жонкай Марынай наведалi Чэхiю па запрашэнню мясцовай праваабарончай арганiзацыi “Чалавек у бядзе”, якая шмат рабiла для беларускiх палiтвязняў. Падчас паездкі адбыліся сустрэчы ў парламенце і з журналістамі…

– Гэта паездка была для мяне і псіхалагічнай разгрузкай, і магчымасцю кантактаў з землякамі, якія апынуліся ў Чэхіі, – распавёў Мікалай Статкевіч, пасля таго, як вярнуўся ў Мінск. – Было шмат выступаў, кантактаў з прэсай, хоць уражанне ад працоўнай часткі дваістае. З аднаго боку я бачыў спачуванне, падтрымку тых, хто прыходзіў на гэтыя сустрэчы – праваабаронцаў, актывістаў, простых людзей. А з іншага боку, ужо на палітычным узроўні, у Еўропе адчуваецца страх перад новымі пагрозамі. Не толькі з Расіі, але і ад ісламістаў. Таму праблема дэмакратыі ў Беларусі, у нашым рэгіёне пачынае адыходзіць на другі план. На жаль, гэта так і гэта зразумела. Кожная краіна дбае ў першую чаргу пра сябе. І беларусам у гэтай сітуацыі трэба думаць, як самім вырашаць свае праблемы. І пра гэта думаць трэба дэмакратычным сілам. Безумоўна, поўнай, як кажуць, здачы не будзе, але на беларускі рэжым Захад будзе ўжо глядзець мягчэй.

– Днямі суд у чарговы раз аштрафаваў вас за акцыю, якую праводзілі. Як вы ставіцеся да такіх рашэнняў?

– Улада пакуль не адважваецца саджаць, але і на тармазах спускаць справу не можа, таму што грамадства ўвогуле можа згубіць страх. Вось і штрафуюць тых, каго лічаць арганізатарамі акцый. Уладзе нейкім чынам трэба стрымліваць людзей, бо яна баіцца таго, што сітуацыя можа выйсці з пад кантролю. Я, як ужо не раз казаў, імкнуся паменшыць страх, бо бачу, што ўлада звязана пэўнымі абставінамі атрымання крэдыту на Захадзе і кантактаў з Еўропай. Калі ж у нас бачаць, што Захад асабліва не пратэстуе супраць фінансавых спагнанняў за ўдзел у акцыях, то вырашылі хаця б крыху грошай зарабіць.

– 24 лістапада вы збіраецеся правесці чарговую акцыю, прысвечаную гадавіне памяцi былога мiнiстра ўнутраных спраў Юрыя Захаранкi i старшынi Цэнтральнай выбарчай камiсii Вiктара Ганчара…

– Так, і я хацеў бы патлумачыць, чаму для акцый абіраюцца такія формы і месцы правядзення. Што датычыцца формы, то спыняемся на больш небяспечных.Напрыклад, калі пачнуць збіваць чалавека з кветкамі, то сітуацыя будзе наогул выглядаць дзікунскай. Месцы таксама выбіраем не выпадкова. Той жа будынак КДБ – месца страху, дзе ў 30-я гады забівалі людзей, а 2010-2011 гадах катавалі палітычных актывістаў. Ля Дому ўраду ў тым жа 2010 годзе сотні былі збітыя. У будынку МУС працаваў Юрый Захаранка. Мы не ведаем месца, дзе ён пахаваны, але ведаем, дзе працаваў. Таму і прыйдзем туды, каб ушанаваць памяць зніклых палітыкаў. Калі мы забудзем пра палітычныя забойствы, то яны могуць паўтарацца.

palitviazni.info

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні