У палітвязня Аўтуховіча пераддыябетны стан

У Мікалая Аўтуховіча выявілі павышаны цукар у крыві.

Пра гэта сайту charter97.org паведаміў кіраўнік «Прававой дапамогі насельніцтву», былы следчы пракуратуры Алег Волчак.

«Мне патэлефанавалі і сказалі, што нашу паўторную скаргу генпракурору пераслалі ў Пракуратуру Гродзенскай вобласці. І паўстала пытанне аб больш хуткім правядзенні аналізаў і абследавання Мікалая Аўтуховіча, паколькі ўжо даўно было рашэнне лекараў аб іх правядзенні з тым, каб потым вырашаць, устаўляць зубныя імплантаты ці не», – адзначыў юрыст.

Праваабаронца падкрэсліў, што сталі вядомыя вынікі аналізу крыві палітычнага вязня, а ўтрыманне цукру ў крыві складае 8 ммоль/л.

«У Мікалая ніколі ў жыцці не было такога высокага цукру, а гэта багата наступствамі аж да дыябету. Таму здароўе палітвязня Аўтуховіча пагаршаецца, і я баюся, што пры такіх аналізах яму наогул не зробяць зубапратэзную аперацыю. Але поўнага абследавання стану яго здароўя пакуль не правялі», – сказаў Алег Волчак.

Варта адзначыць, што норма глюкозы (цукру) ў крыві ў дарослага чалавека – 3,89-5,83 ммоль/л пры аналізе крыві з пальца. Норма для крыві з вены да 6,1, вышэй 7,0 – цукровы дыябет. Павелічэнне ўтрымання глюкозы ў крыві ў параўнанні з гэтай нормай называецца гіперглікемія і ўзнікае пры цукровым дыябеце, эндакрынных парушэннях, пухлінах падстраўнікавай залозы, хранічных захворваннях печані і нырак і не толькі. Калі ёсць выяўленыя сімптомы дыябету, дастаткова аднаразовай праверкі, але калі сімптомаў няма, дыягназ «дыябет» ставіцца, калі два разы ў розныя дні выяўлены ўзровень цукру вышэй за норму.

Іншыя палітычныя вязьні

  • Міхаіл Марыніч
  • Васіль Парфянкоў
  • Юры Казак
  • Сяргей Скрабец
  • Зьміцер Ус