Да выдання рыхтуецца кніга публіцыстыкі і ўспамінаў палітзняволенага кіраўніка праваабарончага цэнтра “Вясна” Алеся Бяляцкага.
У яе ўвойдзе ў асноўным напісанае за кратамі. Па словах укладальніцы кнігі Паліны Сцепаненкі, новая кніга будзе лагічным працягам ужо выйшаўшага ў гэтым годзе зборніка “Асвечаныя беларушчынай”:
– “Асвечаныя беларушчынай” была выключна літаратуразнаўчай кнігай. А гэта будуць успаміны пра грамадска-палітычную дзейнасць Алеся Бяляцкага, пра Віктара Івашкевіча зараз ён пачаў пісаць, пра тыя часы, калі ён быў у антыкамуністычным моладзевым падполлі, а таксама пра праваабарончую дзейнасць, пра тое, як паўставала “Вясна”. Яшчэ там будуць сабраныя ўсе інтэрв’ю.
Па словах Паліны Сцепаненкі, кніга выйдзе ў будучым, 2014-ым годзе. Зараз ідзе завяршальная праца над гэтым вялікім выданнем, якое складзе больш чым 500 старонак. У працы бярэ ўдзел і сам Алесь Бяляцкі, які рэдагуе матэрыялы па перапісцы.
racyja.com