Паўла Севярынца адправілі на тры дні ў адпачынак

Сустаршыня Беларускай Хрысціянскай Дэмакратыі Павел Севярынец атрымаў адпачынак.

У бліжэйшыя тры дні палітык, які адбывае ў Купліне Берасцейскай вобласці тры гады абмежавання волі за ўдзел у акцыі 19 снежня 2010 года, зможа наведаць сваіх бацькоў у Віцебску.

Аб гэтым сёння паведамляе прэс-служба БХД.

Дарога займае шмат часу, таму пабыць дома Павел Севярынец зможа блізу 1,5 дня.

Да заканчэння тэрміну палітвязню засталося тры месяцы.

Нагадаем, Павел Севярынец адбывае пакаранне ў спецкамендатуры ў вёсцы Куплін Пружанскага раёна Берасцейскай вобласці. У траўні 2011 года ён быў асуджаны на тры гады абмежавання волі паводле крымінальнай справы аб масавых беспарадках у Менску 19 снежня 2010 года.

Іншыя палітычныя вязьні

  • Алесь Бяляцкі
  • Яна Палякова
  • Анатоль Шумчанка
  • Уладзімер Лыско
  • Уладзімер Плешчанка