![](/wp-content/uploads/2011/10/5C2F6176-EB94-4C0D-90B1-42771E28F77D_w640_r1_s.jpg)
Пасля вызвалення над палітвязнем Аляксандрам Францкевічам будзе ўстаноўлены міліцэйскі нагляд.
23-гадовы навапалачанін павінен выйсці на волю на пачатку верасня гэтага года, кажа маці зняволенага анархіста Таццяна Францкевіч:
– Я думала, адсядзеў, усё. Аказалася не, усё роўна над ім на нейкі час устанаўліваецца нагляд, месяц ці паўгады. Тым больш калі ў Наваполацку, па прапісцы, тут працы няма, а з такім як кажуць “білетам”, наўрад ці нехта захоча ўзяць на працу, бо будуць баяцца. У Менску трохі прасцей, бо там за ім праца захавалася.
Аляксандр Францкевіч быў асуджаны да трох гадоў пазбаўлення волі па так званай “справе анархістаў”. Адбывае пакаранне ў Івацэвічскай калоніі “Воўчыя норы”.
racyja.com