Да Статкевіча падсаджвалі былога міліцыянта, які збіваў зняволеных

16 лютага Марына Адамовіч атрымала ад Мікалая Статкевіча чарговы ліст з магілёўскай турмы.

Жонка палітыка працытавала «Радыё Свабода» фрагмент ліста, які тычыцца чарговы, як яна мяркуе, правакацыі супраць палітвязня.

«Першага чысла, як я зразумела, яму паспрабавалі падсадзіць новага суседа, які сам былы супрацоўнік міліцыі. І на яго там шмат скаргаў ад іншых сукамернікаў, што ён іх збіваў. «Але чалавек той тут доўга не затрымаўся, хутка разабраўся ў сітуацыі, папрасіў прабачэння за памылку і стаў прасіцца выйсці». А самы ключавы сказ, які сапраўды мяне напружыў, гэта вось такі: «Я не пісаў бы табе пра гэты выпадак, бо я ж не пра ўсе такія выпадкі паведамляю. Але мне тут ужо сказалі, што паводле гэтага выпадку, як начальнік выйдзе з адпачынку, будуць разбіральніцтвы. Калі мяне прызнаюць вінаватым ва «ўціску» яшчэ і на гэтага чалавека, то з улікам яго памераў і спецпадрыхтоўкі, я, мабыць, ужо монстар нейкі», – распавяла Марына.

Марына Адамовіч нагадала, што раней да Мікалая Статкевіча ў камеру падсажвалі вязня, з якім узнік канфлікт, і гэта адбілася на становішчы Статкевіча. Марына Адамовіч не выключае новых правакацый супраць яе мужа з-за таго, што ён адмаўляецца падпісваць прашэнне аб памілаванні на імя Аляксандра Лукашэнкі.

«Пра сябе Мікола напісаў, што пачуваецца добра. Цяпер яму шмат ідзе лістоў, ў тым ліку адказаў на ягоныя лісты. Даслала адказ Ірына Халіп, якая паведаміла, што толькі цяпер атрымала ад яго віншаванне з Новым годам, датаванае яшчэ 23 снежня».

Былы кандыдат у прэзідэнты Мікалай Статкевіч асуджаны на 6 гадоў зняволення за арганізацыю мітынгу пратэсту супраць фальсіфікацыі вынікаў прэзідэнцкіх выбараў 19 снежня 2010 года. Палітык адбывае пакаранне ў магілёўскай турме, куды быў змешчаны як злосны парушальнік рэжыму.

- у навінах

 

Зьвязаныя навіны:

19.12.2017 Мікола Статкевіч: Нам не сорамна будзе глядзець у вочы сваім дзецям

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

Іншыя палітычныя вязьні