Статкевічу нельга перадаваць гародніну і мёд

З харчовай перадачы для вязьня магілёўскай турмы Мікалая Статкевіча выключылі сьвежую гародніну і мёд, дазволілі сала і кашы.

Пра гэта паведаміла карэспандэнту Свабоды жонка палітыка Марына Адамовіч. Чаму Статкевічу нельга гародніну і мёд?

«Яны спасылаюцца на пералік, які мае падзаконную сілу, зацьверджаны санітарным доктарам. Карацей, карыстаюцца ня прынцыпам „дазволена ўсё, што не забаронена“, а прынцыпам максымальнага абмежаваньня. Але калі ўлічыць, што цягам году гэта была адзіная перадача, то і тое добра. Учора хлопец мой, мяркую, меў нядрэнную вячэру. Ва ўсякім разе на сала там ніхто ня квапіцца, на кашы канцэнтраваныя. Вось гэтыя кубікі булённыя, якія адмыслоўцамі лічацца ня лепшым харчаваньнем — гэта можна, а сьвежую гародніну — нельга».

Былы кандыдат на прэзыдэнта Мікалай Статкевіч у апошнім лісьце жонцы напісаў, што пачуваецца нармальна, не хварэе. Таксама палітык паведаміў, што атрымаў ліст ад былога кандыдата на прэзыдэнта Ўладзімера Някляева.

Мікалай Статкевіч асуджаны за арганізацыю мітынгу пратэсту 19 сьнежня 2010 году на 6 гадоў зьняволеньня.

svaboda.org

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні