Статкевічу ў камеры дазволілі глядзець БТ

А сукамэрнік палітвязня пасля прэс-канферэнцыі Лукашэнкі лічыць, што яму павінны залічваць адзін дзень за пяць, раз пасадзілі з такім «монстрам».

Марына Адамовіч, жонка палітвязня, былога кандыдата ў прэзідэнты Мікалая Статкевіча, перадала мужу ў турму тэлевізар, паведамляе «Радыё Рацыя».

Паводле яе слоў, гэта стала магчыма пасля змякчэння рэжыму ўтрымання яе мужа ў Магілёўскай турме.

Так што цяпер у камеры Статкевіча можна глядзець тэлевізар, хоць на дзень адключаюцца электрычныя разеткі, або слухаць, напрыклад, дзяржрадыё.

Напрыклад, некалькі дзён таму атрымалася паслухаць прэс-канферэнцыю Аляксандра Лукашэнкі, падчас якой Лукашэнка казаў і пра Стакевіча.

– Мікалай напісаў, што сусед, які слухаў прэс-канферэнцыю па радыё, сказаў, што будзе цяпер патрабаваць, каб яму залічвалі адзін дзень за пяць, паколькі ён сядзіць у турме з такім «монстрам», – распавядае Марына Адамовіч. – Праз год знаходжання ў турме Мікалаю прызначылі агульны рэжым. Пачынаючы з новага года ў яго прагулкі сталі па паўтары гадзіны. Ён мне напісаў у лісце, што ён выкарыстоўвае іх да апошняй хвіліны. Гэта для яго вялікая радасць і ён ніколі не адмаўляецца ад прагулак.

Змякчэнне рэжыму дае права Мікалаю Статкевічу таксама на два спатканні ў год. Ён можа выдаткаваць дзве мінімальных зарплаты на атаварку ў турэмным кіёску. Таксама ён мае права на адну прадуктовую перадачу.

«Вось ужо на працягу года і двух месяцаў ён не атрымліваў ні адной прадуктовай перадачы», – кажа Марына Адамовіч.

Кандыдат у прэзідэнты на мінулых выбарах Мікалай Статкевіч асуджаны па артыкуле аб масавых беспарадках на 6 гадоў пазбаўлення волі за ўдзел у дэманстрацыі пратэсту супраць фальсіфікацыі прэзідэнцкіх выбараў 19 снежня 2010 года.

На апошняй прэс-канферэнцыі для СМІ Лукашэнка прызнаў яго адзіным палітвязнем, а таксама прагаварыўся, што яго моцна закранулі перадвыбарчыя выступы Статкевіча па БТ.

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні