Статкевіч сустрэўся з жонкай у турме

29 сьнежня, напярэдадні Новага году, палітвязень, кандыдат у прэзыдэнты на выбарах 2010 году, Мікалай Статкевіч сустрэўся з жонкай у турме.

“Гэта быў сапраўдны цуд на Каляды, – гаворыць Марына Адамовіч. – Першая магчымасьць спатканьня, аб якой я даведалася раніцай, і праз тры гадзіны была ў Магілёве… Сустрэча працягвалася роўна дзьве гадзіны. Я пабачыла яго другі раз на працягу году, які Мікалай правёў у турме. Праз год яму, нарэшце, быў зьменены рэжым утрыманьня, што і дало права на другое спатканьне. Канешне, я ня стала чакаць і хвіліны, як толькі аб гэтым даведалася. Дарэчы, – сьмяецца Марына, – Мікалай аб рашэньні камісіі даведаўся, толькі пабачыўшы мяне”, паведамляе сайт statkevich.org.

Па словах жонкі, Мікалай Статкевіч “абсалютна не зьмяніўся. Ён трымаецца цудоўна, быў вельмі крануты той падтрымкай, якую аказваюць яму і мне самыя розныя людзі.

Мікалай прасіў перадаць словы ўдзячнасьці тым, хто яго падтрымлівае, а таксама свой клопат пра мужных маладых хлопцаў, якія цаной сваёй свабоды і здароўя бароняць свой гонар і гонар нашай краіны. Ён просіць не забываць пра тых, хто сустракае гэтыя сьвяты за кратамі, – пераказала жонка. – А яшчэ быў вельмі ўзрадаваны навіной пра шлюб Насты і Зьмітра, якіх шчыра віншуе і зычыць хуткай сустрэчы на волі. Па словах Міколы, Зьміцер – самы годны, шляхетны і мужны чалавек, і ён вельмі рады павіншаваць іх з Настай”.

Марына кажа, што Мікалай, па-ранейшаму, знаходзіцца ў СІЗА, са “старым” суседам, шмат чытае, займаецца спортам, на ўмовы ўтрыманьня не скардзіўся. Дарэчы, ён чуў фэйервэрк, які зладзілі ў яго гонар ля сценаў турмы 19 сьнежня, і прасіў перадаць падзяку “артылерыстам”.

Ён, як і раней, катэгарычна адмаўляе любую магчымасць любых “прашэньняў”.

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні