Алесь Бяляцкі намінаваны на прэмію Еўрапарламента

Беларускі палітвязень можа атрымаць штогадовую прэмію Сахарава.

У Еўрапейскім парламенце пачаўся збор подпісаў для вылучэння праваабаронцы Алеся Бяляцкага на атрыманне прэміі Сахарава. З такой ініцыятывай выступіў польскі еўрапарламентарый ад Еўрапейскай народнай партыі Яцэк Сарыюш-Вольскі, паведамляе выданне EurActiv (пераклад – charter97.org).

У лістах сваім калегам ён падкрэсліў уклад беларускага праваабаронцы ва ўмацаванне міру і дэмакратыі.

«Еўрапейскі парламент, які ўжо заявіў пра сваю падтрымку Алеся Бяляцкага ў пастанове ад 15 верасня 2011 года, можа паказаць ўніверсальнае значэнне ўпартай барацьбы за свабоду ў краінах, дзе кіруюць дыктатары, узнагародзіўшы праваабаронцу прэміяй Сахарава», – напісаў ён у сваім лісце.

Беларускі палітвязень з’яўляецца пакуль адзіным кандыдатам на атрыманне прэміі. Для свайго вылучэння ён павінен заручыцца падтрымкай не менш 40 еўрапарламентароў да 12 верасня.

Кіраўнік праваабарончага цэнтра «Вясна» Алесь Бяляцкі быў асуджаны на 4,5 года турмы ў лістападзе мінулага года. Яго прызналі вінаватым у «нявыплаце падаткаў». Праваабаронца сваёй віны не прызнаў і заявіў, што ўсе грошы, атрыманыя на яго рахункі, ішлі на праваабарончую дзейнасць.

Прэмія Сахарава, названая ў гонар савецкага навукоўца і дысыдэнта Андрэя Сахарава, была заснавана ў 1988 годзе Еўрапейскім парламентам.

charter97.org

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні