Бяляцкі ў калоніі займаецца ўпакоўкай міліцэйскіх пагонаў

Праваабаронца, віцэ-прэзідэнт Міжнароднай федэрацыі правоў чалавека Алесь Бяляцкі у бабруйскай калоніі № 2 займаецца ўпакоўкай міліцэйскіх пагонаў. Пра гэта ён паведаміў у лісце праваабаронцы Таццяне Равяцы.

«Бяляцкі працуе ўпакоўшчыкам. Сярод іншай прадукцыі калоніі — рукавіцы, прасціны і гэтак далей — прысутнічаюць і міліцэйскія пагоны. Іх Бяляцкі таксама ўпакоўвае. Вось я і думаю: чаму менавіта зняволеным вызначана вырабляць міліцэйскія пагоны», — цікавіцца праваабаронца.

Бяляцкі, паводле слоў Равякі, ні на што не скардзіцца.

«Ён піша галоўным чынам пра тое, як адбывае пакаранне. Мала піша пра ўмовы ў калоніі і пра здароўе. Лісты ад яго — такія маленькія спакойныя нататкі пра жыццё. Напрыклад, пра тое, што на тэрыторыі калоніі жывуць трое баброў, пра якіх ён цікава распавядае», — адзначыла праваабаронца.

Паводле яе слоў, Бяляцкі цяпер «мала чытае кнігі». «Галоўным чынам ён чытае выпісаныя яму газеты, адкуль даведваецца пра тое, што адбываецца ў краіне. Пасля працы і газет на кнігі часу практычна не застаецца», — расказала Равяка.

У лістападзе мінулага года суд Першамайскага раёна Мінска прызнаў Бяляцкага вінаватым ва ўтойванні даходаў у асабліва буйным памеры і прыгаварыў яго да чатырох з паловай гадоў пазбаўлення волі ў калоніі ўзмоцненага рэжыму з канфіскацыяй маёмасці. Падставай для крымінальнага пераследу праваабаронцы стала наяўнасць у яго замежных рахункаў у банках Літвы і Польшчы. Суд не ўзяў пад увагу той факт, што грошы, якія паступаюць на гэтыя рахункі, выкарыстоўваліся для дзейнасці закрытага ў Беларусі праваабарончага цэнтра «Вясна». Таксама суд не ўзяў пад увагу тое, што ўрон, які нібыта нанёс Бяляцкі, быў поўнасцю пагашаны за кошт добраахвотных ахвяраванняў грамадзян.

Арышт Бяляцкага меў шырокі міжнародны рэзананс. Беларускі праваабаронца абвешчаны вязнем сумлення.

belapan.com

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні