Першы ліст Алеся Бяляцкага з Бабруйскай калоніі

Жонка палітычнага зняволенага, кіраўніка праваабарончай арганізацыі “Вясна” Алеся Бяляцкага Наталля Пінчук атрымала ад яго першую паштоўку з Бабруйскай калоніі.

Ён пераведзены туды з Жодзінскай турмы. Падчас этапу ад Бяляцкага ніякіх лістоў не было. Паштоўка з калоніі датавана 29 лютым. Па словах Наталлі Пінчук, паштоўка вельмі кароткая, але важная для яе.

– Даўно ўжо чакала гэты ліст. Гэтае паведамленне аб тым, што ён сапраўды можа пісаць, што ён жывы і ў гэтым сэнсе для мяне гэта важная падзея. Ён паведамляе, што яго давезлі да месца прызначэння нармальна. Цяпер асвойваецца.

Алесь Бяляцкі прыгавораны да 4 гадоў і 6 месяцаў зняволення ў калоніі ўзмоцненага рэжыму з канфіскацыяй маёмасці. Прысуд быў вынесены 24 лістапада 2011 года суддзёй Першамайскага раённага суда Мінска Сяргеем Бандарэнкам.

racyja.com

Іншыя палітычныя вязьні