Мікалай Статкевіч падтрымаў санкцыі Эўразьвязу

Жонцы былога кандыдата на прэзыдэнта Мікалая Статкевіча Марыне Адамовіч стала вядома ягоная рэакцыя на дыпляматычны крызіс, які выбухнуў у Беларусі пасьля новых санкцыяў Эўразьвязу адносна беларускага рэжыму.

«Мікола вітаў гэтыя санкцыі і падзякаваў эўрапейцам за салідарнасьць. Сказаў, што за волю змагаюцца жывыя людзі, і нават такія „неэфэктыўныя“ захады, як забарона ўезду ды адкліканьне паслоў, дэманструюць, што мы маем рацыю і што сьвет за намі. Значыць, ідэалы свабоды яшчэ нечага вартыя», — кажа Адамовіч.

Ужо болей за месяц Мікалай Статкевіч, пакараны 6 гадамі зьняволеньня за падзеі 19 сьнежня, знаходзіцца ў «крытай» Магілёўскай турме. «У мужа зноў пачаліся праблемы зь ліставаньнем зь сябрамі і проста зь людзьмі, якія яго падтрымліваюць. Такіх лістоў ён атрымлівае ўсё меней», — паведаміла Марына Адамовіч.

12 студзеня ў шклоўскай папраўчай калёніі адбыўся суд над асуджаным Мікалаем Статкевічам. На ім судзьдзя шклоўскага суду Віталь Воўкаў задаволіў прадстаўленьне адміністрацыі калёніі аб пераводзе палітыка на тры гады на турэмны рэжым як злоснага парушальніка. Начальнік Шклоўскай калёніі № 17 Сяргей Ермаліцкі знаходзіцца ў сьпісе асобаў, якім забаронены ўезд у краіны Эўразьвязу.

14 студзеня стала вядома, што Мікалай Статкевіч этапаваны з Шклова ў папраўчую ўстанову «Турма № 4».

Былы кандыдат на прэзыдэнта Мікалай Статкевіч асуджаны на 6 гадоў зьняволеньня за арганізацыю ў Менску 19 сьнежня 2010 году акцыі пратэсту супраць фальшаваньня выбараў.

svaboda.org

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні