Бяляцкага этапуюць у Бабруйск

Засуджанага да 4,5 гадоў зьняволеньня праваабаронца Алеся Бяляцкага пераводзяць у Бабруйскую калёнію.

Засуджаны да 4,5 гадоў зьняволеньня праваабаронца Алесь Бяляцкі накіраваны з Жодзінскага СІЗА ў Бабруйскую калёнію.

Пра гэта «Свабодзе» паведаміла жонка праваабаронцы Натальля Пінчук.

«Мне пазваніў адвакат і паведаміў, што Алеся ўжо накіравалі ў калёнію № 2 ў Бабруйск. Там ён ужо, ці яшчэ яго этапуюць, мне невядома», — сказала Натальля.

Рашэньне пра перавод у калёнію было прынятае пасьля уступленьня ў сілу выраку — 24 студзеня Менскі гарадзкі суд пакінуў рашэньне Першамайскага раённага суда ў сіле.

Кіраўнік праваабарончага цэнтру «Вясна» Алесь Бяляцкі 24 лістапада мінулага года асуджаны на 4,5 года зьняволеньня ў калёніі ўзмоцненага рэжыму з канфіскацыяй маёмасьці паводле абвінавачваньня ва ўтойваньні даходаў у асабліва вялікіх памерах.

Праваабаронца сваёй віны не прызнаў і тлумачыў у судзе, што атрыманыя на замежныя рахункі грошы траціў на праваабарончую дзейнасьць і дапамогу рэпрэсаваным у Беларусі паводле палітычных прычын.

Міжнародныя праваабарончыя арганізацыі назвалі гэты прысуд палітычна матываваным і прызналі Бяляцкага вязьнем сумленьня. Ягонага вызваленьня аб беларускіх уладаў патрабуюць ЗША і Эўразьвяз.

svaboda.org

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні