Мікалай Статкевіч адпраўлены ў ШІЗА магілёўскай турмы № 4

Асуджаны экс-кандыдат у прэзідэнты Мікалай Статкевіч пасля прыбыцця ў магілёўскую турму № 4 быў накіраваны на 10 дзён у штрафны ізалятар за парушэнне рэжыму адбыцця пакарання. Пра гэта паведаміла журналістам жонка палітыка Марына Адамовіч.

У Магілёве з ёю сустрэўся начальнік турмы Аляксандр Ламаза. “Ён прыняў мяне, хоць гэта не быў прыёмны час. Сказаў, што Мікалай тут, што атрымаў пакаранне наўздагон, але прычыны ён не назваў”, — сказала Адамовіч. Паводле яе слоў, пакаранне палітзняволены атрымаў яшчэ ў шклоўскай калоніі № 17 ужо пасля суда 12 студзеня. На судзе была прынята пастанова аб больш жорсткім пакаранні Статкевіча і пераводзе яго на турэмны рэжым адбыцця пакарання на тры гады.

Марына Адамовіч мяркуе, што прычынай знаходжання яе мужа ў штрафным ізалятары з’яўляецца выключна непрыязнае стаўленне да Статкевіча з боку начальніка шклоўскай калоніі Сяргея Ермаліцкага. “Спадар Ермаліцкі наўздагон, ужо пасля суда, знайшоў прычыну, каб яшчэ нагадзіць”, — заявіла Адамовіч.

Паводле яе слоў, знаходжанне ў турме прадугледжвае строгі рэжым, гэта значыць адно кароткае спатканне на год і адна бандэроль да 2 кг у якасці прадуктовай перадачы.

Жонка палітыка зазначыла, што прэтэнзій з яе боку да начальніка турмы Аляксандра Ламазы пакуль няма.

belapan.com

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні