24 студзеня адбудзецца разгляд касацыйнай скаргі Бяляцкага

Разгляд касацыйнай скаргі праваабаронцы Алеся Бяляцкага ў Мінскім гарадскім судзе прызначаны на 24-га студзеня. Пра гэта жонцы Бяляцкага Наталлі Пінчук паведамілі сёння ў сталічным гарадскім судзе.

“Наталля Пінчук прыйшла ў суд, каб атрымаць дазвол на спатканне з мужам. Аднак там ёй сказалі, што ў суд ужо паступілі дакументы ў дачыненні да Бяляцкага і разгляд яго касацыйнай скаргі прызначаны на 10 гадзін раніцы 24-га студзеня”, – паведаміў калега Бяляцкага Валянцін Стэфановіч. Ён таксама паведаміў, што праваабаронцы сабралі практычна ўсю суму, неабходную для пагашэння шкоды, якую нібыта нанёс дзяржаве асуджаны Бяляцкі.

Валянцін Стэфановіч:

– Сёння ягоная жонка хадзіла ў суд Першамайскага раёна, каб атрымаць дазвол на спатканне. Там ёй паведамілі, што матэрыялы ў судзе Першамайскага раёна не знаходзяцца, бо былі накіраваны ў Мінскі гарадскі суд.

Па дадзеных на 6-га студзеня, на рахунак Наталлі Пінчук ужо паступіла 735 мільёнаў 59 тысяч рублёў добраахвотных ахвяраванняў. “Шкода, нібыта прынесеная Бяляцкім дзяржаве, будзе аплочана да разгляду касацыйнай скаргі, і гэта можа паўплываць на рашэнне Мінскага гарадскога суда аб змякчэнні прысуду”, – адзначыў Стэфановіч.

racyja.com

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні

  • Эніра Браніцкая
  • Сяргей Башарымаў
  • Міхаіл Жамчужны