На 12-га студзеня прызначаны новы суд над Міколам Статкевічам

Суд аб пераводзе кандыдата ў прэзідэнты на мінулых выбарах Міколы Статкевіча з калоніі ў крытую турму адбудзецца 12-га студзеня.

Жонка палітвязня Марына Адамовіч атрымала афіцыйны дакумент з калоніі. Міколу Статкевічу пагражае прызначэнне больш жорсткага турэмнага рэжыму за нібыта рэгулярныя парушэнні турэмнай дысцыпліны. Адамовіч лічыць, што Статкевіча адправяць у Магілёўскую крытую турму ўжо 13-га студзеня. А суд прызначаны адмыслова для гэтага.

Марына Адамовіч:

– Ён зараз знаходзіцца ў памяшканні камернага тыпу. Не паспелі яны яго туды перавесці, як адразу правялі камісію і прызналі яго злосным парушальнікам. Адразу ж вызначылі, што яго будуць судзіць. Пытанне было толькі ў прызначэнні даты суда. На сённяшні дзень было паведамленне, што суд будзе 12-га студзеня. Да гэтага нам было вядома, што 13-га студзеня будзе этап на Магілёў. Шчыра кажучы, мы так і думалі, што пад гэтую дату яны і падгадаюць. Гэта спраўдзіла нашыя самыя горшыя падазрэнні.

“Калі суд прызнае Міколу Статкевіча злосным парушальнікам дысцыпліны, яго ўмовы адбывання пакарання пасля пераводу ў турму могуць істотна пагоршыцца,” – адзначае жонка экс-кандыдата ў прэзідэнты Марына Адамовіч. Па горшым сцэнары, у Міколы Статкевіча ў тым ліку зменшыцца колькасць спатканняў са сваякамі з двух доўгіх і трох кароткіх да аднаго кароткага штогод. Будзе дазволена толькі адна бандэроль вагой да двух кілаграмаў замест трох вагой да 30 кілаграмаў.

racyja.com

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні