Ірына Халіп: Вызваленне палітвязняў праз супольныя дзеянні

Апошнія выказванні Аляксандра Лукашэнкі дэманструюць жорсткую пазіцыю адносна вызвалення палітычных зняволеных.

Пытанне можа быць разгледжана толькі пасля прашэнняў аб памілаванні. Аднак Ірына Халіп, жонка палітычнага зняволенага, кандыдата ў прэзідэнты на мінулых выбарах Андрэя Саннікава мяркуе, што вызвалення палітычных вязняў можна дамагчыся супольнымі дзеяннямі як беларускай грамадскасці, так і міжнароднай супольнасці.

– Усе дзеянні павінны быць жорсткімі як звонку, так і знутры. Пакуль няма гэтых агульных дзеянняў, нічога і не будзе. Я лічу, што ўнутры краіны зараз, пасля 19-га, хваля салідарнасці пачалася такая, якой не было ніколі. Калі гэтага недастаткова, каб людзі выйшлі шчыльнымі радамі, напэўна, гэтага трэба пачакаць, патрэбны час.

На думку Ірыны Халіп, міжнародная супольнасць у справе вызвалення беларускіх палітычных зняволеных увогуле бяздзейнічае. Хаця ў міжнародных дэкларацыях замацавана, што парушэнне правоў чалавека не з’яўляецца ўнутранай справай дзяржавы.

racyja.com

Іншыя палітычныя вязьні