Бяляцкаму не дазволілі прысутнічаць на пахаванні бацькі

Наталля Пінчук, жонка праваабаронцы Алеся Бяляцкага, атрымала пісьмовую адмову ў дэпартаменце выканання пакаранняў МУС на просьбу адпусціць яе мужа з жодзінскага СІЗА развітацца з бацькам, які памёр 24 снежня. Вусная адмова таксама была атрымана ў пракуратуры, паведаміла Пінчук БелаПАН.

У абодвух ведамствах спаслаліся на тое, што заканадаўствам не прадугледжана магчымасць такога спаткання для асоб, у дачыненні да якіх прысуд яшчэ не ўвайшоў у законную сілу. У адпаведнасці з законам “асоба, якая ўтрымліваецца пад вартай, мае права на зносіны з абаронцамі, спатканне з блізкімі сваякамі і членамі сям`і ў адпаведнасці з заканадаўствам Рэспублікі Беларусь у прызначаных для гэтых мэтаў памяшканнях месцаў утрымання пад вартай; іншага парадку давання спаткання асобам, у дачыненні да якіх прысуд не набыў законную моц, не прадугледжана”.

У дэпартаменце выканання пакаранняў і пракуратуры праігнаравалі рашэнне суда Першамайскага раёна Мінска ад 26 снежня, які выдаў чарговы дазвол на развітанне асуджанага праваабаронцы з нябожчыкам. Рашэнне адпусціць Бяляцкага на развітанне суд выносіць ужо трэці раз, але рэалізаваць яго так і не ўдалося.

Віктар Усцінавіч Бяляцкі памёр 24 снежня на 84-м годзе жыцця. Пахаванне пройдзе 27 снежня ў Светлагорску (Гомельская вобласць).

На мінулым тыдні родныя Бяляцкага прасілі адпусціць яго развітацца з бацькам, які паміраў. 19 снежня суд Першамайскага раёна даў дазвол на спатканне. Аднак у следчым ізалятары Жодзіна, дзе зараз знаходзіцца Бяляцкі, заявілі, што паперы аформлены неналежным чынам. Акрамя таго, у адміністрацыі СІЗА сказалі, што ў іх няма магчымасці канваяваць Бяляцкага ў Мінск і арганізаваць бяспеку. Спробы перааформіць дазвол былі беспаспяховымі.

Віцэ-прэзідэнт Міжнароднай федэрацыі правоў чалавека, кіраўнік закрытага ўладамі праваабарончага цэнтра “Вясна” Алесь Бяляцкі 24 лістапада быў прыгавораны да чатырох з паловай гадоў пазбаўлення волі ў калоніі ўзмоцненага рэжыму з канфіскацыяй маёмасці. Ён прызнаны вінаватым ва ўтойванні даходаў у асабліва буйным памеры. Падставай для крымінальнага пераследу Бяляцкага стала інфармацыя аб яго замежных банкаўскіх рахунках, перададзеная ў Мінск чыноўнікамі Літвы і Польшчы ў межах двухбаковых пагадненняў аб прававой дапамозе. Пасля польскія і літоўскія ўлады выказалі прабачэнні Бяляцкаму і яго сям’і.

belapan.com

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні

  • Кастусь Лукашоў
  • Алег Федаркевіч
  • Мікола Маркевіч
  • Уладзімер Лобан
  • Мікіта Сасім