Сайт часова не абнаўляецца. Палітычныя вязьні за 2020 год знаходзяцца тут https://prisoners.spring96.org/

Blog

10 Articles

Уладзь Яроменак: змагаюся за тое, каб людзі не ўцякалі з маёй краіны

Уладзь Яроменак: змагаюся за тое, каб людзі не ўцякалі з маёй краіны

З актывістам “Маладога Фронту” Уладзімерам Яроменкам мы пасьпелі пагутарыць паміж ягонымі судамі, абскарджваннем прысуда, вызваленнем Зьміцера Дашкевіча. Над галавой маладафронтаўца дамоклавым мячом вісела будучае адбыванне трохмесячнага арышту, на які ён быў асуджаны па крымінальнай справе некалькі дзён таму. А неўзабаве пасьля нашай гутаркі Уладзімера яшчэ і аштрафавалі на 1 мільён рублёў…

Уладзімер Яроменак: “Вінаватым я сябе не прызнаю”

Уладзімер Яроменак: “Вінаватым я сябе не прызнаю”

20 жніўня суд Першамайскага раёна Менску вынес прысуд маладафронтаўцу Уладзімеру Яроменку: тры месяцы арышту. Напярэдадні пракурор запатрабаваў пакараць актывіста арыштам цягам 6 месяцаў. Яроменка вінавацілі ў парушэнні ўмоваў прэвентыўнага міліцэйскага нагляду  (арт. 421 КК РБ).

Уладзімер Яроменак

Уладзімер Яроменак

Нарадзіўся ў горадзе Мёры 4 верасьня 1990 г. Пасьля сканчэньня сярэдняй школы паступіў у Беларускі дзяржаўны ўнівэрсытэт інфарматыкі і радыёэлектронікі. На момант арышту быў студэнтам 2-га курсу. Сябра “Маладога Фронту” і аргкамітэту па стварэньні партыі “Беларускай хрысьціянскай дэмакратыі” (БХД).

Храналёгія перасьледу

Удзельнік Плошчы-2010. Затрыманы супрацоўнікамі спэцслужбаў на наступны дзень, 20 сьнежня 2010 г., пасьля пікету салідарнасьці з палітзьняволенымі насупраць Дому ўраду. За гэта быў асуджаны на 15 сутак арышту, які ён адбыў у Жодзінскім СІЗА. Пасьля выхаду адтуль быў выкліканы ў якасьці сьведкі на допыт у КДБ, які скончыўся 7-суткавым арыштам на Акрэсьціна. 28 студзеня 2011 г. арыштаваны ў трэці раз, цяпер ужо як падазраваны па справе аб масавых беспарадках. Зьмешчаны пад варту ў СІЗА КДБ.

Прад’яўлена абвінавачваньне па частках 1 і 2 арт. 293 КК (масавыя беспарадкі). 14 траўня 2011 г. судом Партызанскага раёну Менску асуджаны на 3 гады зьняволеньня (судзьдзя – Натальля Чацьвярткова, пракурор — Антон Загароўскі). Адбываў пакараньне ў калёніі “Віцьба” пад Віцебскам.

11 жніўня 2011 г. памілаваны Лукашэнкам і вызвалены.

20 жніўня 2013 г. прызнаны судом Першамайскага раёну Менска вінаватым у парушэньні ўмоваў міліцэйскага прэвентыўнага нагляду (артыкул 421 Крымінальнага кодэксу РБ). Асуджаны на 3 месяцы арышту. Прысуд вынес суддзя Леанід Ярмоленкаў.

Быў узяты пад варту 11 сьнежня 2013 года, адбывае пакараньне ў арыштным доме г. Баранавічы. 11 сакавіка вызвалены па адбыцьці пакараньня. Прэвентыўны нагляд быў спынены.