Blog

11 Articles

Мікіта Емельянаў

Мікіта Емяльянаў нарадзіўся 24 сакавіка 2000 году. Маці працавала ў міліцыі, бацька да арышта сына таксама працаваў у МУС.

Мікіта вучыўся на 3-м курсе ў БНТУ на спецыяльнасці “Караблебудаўніцтва і гідраўліка”. Падчас следства з універсітэта яго адлічылі. Працаваў кур’ерам акамулятараў.

Сям’я Мікіты Емельянава – каталікі. Мікіта ў касцёле быў міністрантам. На момант следства да яго не пусцілі ксяндза, які хацеў яго навясціць, як даведаўся аб затрыманні. Акрамя Мікіты ў сям’і яшчэ тры сыны.

«Вельмі любіць чытаць кнігі з серыі “Невядомая гісторыя” Анатоля Тараса, любіць тэатр — у ягоным рэйтынгу на першых месцах спектакль “Пане Каханку” ў тэатры імя Горкага і “Чорная панна Нясвіжа” ў Купалаўскім тэатры. Добры, спачувае людзям. За тое, што спачуваў палітвязням, як Змітру Паліенку ды іншым, яго гэтак моцна і пакаралі. Гэта зразумела», — распавяла маці Емяльянава svaboda.org.

Хроніка пераследу

У 2019 годзе Мікіта пазнаёміўся з Іванам Комарам, бачыў, якая наўкол адбывалася несправядлівасць, таму вырашыў выразіць сваю салідарнасць з рэпрэсаванымі па палітычных матывах: Міхаілам Жамчужным, Вадзімам Бойкам, Іллёй Валавіком Зміцерам Паліенкам (на момант восені 2019 году), Святаславам Барановічам…

Падчас следства на сям’ю Емяльянава моцна ціснулі і пагражалі Мікіце вялікім тэрмінам.

12 лютага 20120 году Мікіта Емельянаў быў асуджаны на 7 гадоў пазбаўлення волі ва ўмовах узмоцненага рэжыму за псаванне маёмасці ў грамадскіх месцах (арт. 341 КК), замах на наўмыснае пашкоджанне маёмасці і наўмыснае пашкоджанне маёмасці, здзейсненае агульнанебяспечным спосабам (ч.1 арт. 14 ч. 2 артыкула 218 КК, ч. 2 артыкула 218 КК), незаконныя дзеянні ў дачыненні да прадметаў, паражальнае дзеянне якіх заснавана на выкарыстанні гаручых рэчываў (ч. 2 арт. 295-3 КК) за тры эпізоды: чырвоная фарба на будынку Мінгорсуда (25 верасня павінен быў адбыцца “зачынены” суд над Змітром Паліенка), две спробы атакі СІЗА на Валадарскага (адна няўдалая).

Усе акцыі Мікіта прысвяціў салідарнасці з палітычна рэпрэсаванымі і адзначыў, што з’яўляецца прыхільнікам анархісцкіх поглядаў. У апошнім слове на судзе ён заявіў: “У барацьбе за свабоду і правы чалавека мэта апраўдвае сродкі”, і ў суда нічога не прасіў.

14 лютага 2020 году Мікіта Емельянаў быў прызнаны шэрагам праваабарончых арганізацый палітычным зняволеным.

palitviazni.info

Мікіта Емельянаў

Мікіта Емельянаў

Мікіта Емяльянаў нарадзіўся 24 сакавіка 2000 году. Маці працавала ў міліцыі, бацька да арышта сына таксама працаваў у МУС.

Мікіта вучыўся на 3-м курсе ў БНТУ на спецыяльнасці “Караблебудаўніцтва і гідраўліка”. Падчас следства з універсітэта яго адлічылі. Працаваў кур’ерам акамулятараў.

Чаму прэсуюць Мікіту Емельянава?

Прадстаўнік анархічнага руху Зміцер Паліенка лічыць, што ціск на палітвязня Мікіту Емельянава ідзе адмыслова.

“Хочуць паказытаць нервы нервы ўсім тым, хто падтрымлівае Мікіту”, – паведаміў Зміцер сайту palitviazni.info.

Палітвязень Мікіта Емельянаў “пайшоў у адмову”

Палітвязень Мікіта Емельянаў паведаміў у лісце, што ў калоніі ён не будзе падпісваць паперы з нагоды выканання ўскладзеных на яго адміністрацыяй абавязацельніцтваў.

Пра гэта Мікіта напісаў у лісце свайму сябру Зміцеру Паліенку.

Палітвязень Мікіта Емельянаў не будзе пісаць прашэнне аб памілаванні

 Мікіта Емельянаў паведаміў на волю ў лісце, што не збіраецца прасіць памілавання, і гэта яго прынцыповаке рашэнне.

“Трэба патрабаваць, а не прасіць, – лічыць Мікіта. – Такую пазіцыю я лічу годнай і правільнай”.

Палітвязень Мікіта Емельянаў адзначыў юбілей у штрафным ізалятары

“Незвычайны “падарунак” яму зрабілі сілавікі на юбілей, – распавёў сайту palitviazni.info паплечнік Емельянава і былы палітычны зняволены Зміцер Паліенка.Вырашылі проста напаскудзіць чалавеку…”

Вячаслаў Касінераў: Хлопцаў вырашылі ізаляваць

Вячаслаў Касінераў распавёў сайту palitviazni.info пра тое, што палітвязні Іван Комар і Мікіта Емельянаў працягваюць чакаць разгляду апеляцыі ў СІЗА г.Жодзіна.

“Перавод хлопцаў з Мінска ў Жодзіна – гэта, магчыма, такая форма ізаляцыі і ціска на іх”, – адзначае Вячаслаў Касінераў.

Апеляцыя па справе палітвязняў Мікіты Емельянава і Івана Комара будзе разгледжана ў Мінскім гарадскім судзе 27 сакавіка

Пра гэта паведаміла паплечніца асуджаных анархістаў Марына Касінерава.

12 лютага суд Савецкага р-на г. Мінска прызнаў актывістаў анархісцкага руху Мікіту Емяльянава і Івана Комара вінаватымі па некалькіх артыкулах і прыгаварыў іх да сямі гадоў пазбаўлення волі кожнага.