Праўда, ліст, які Марыя Калеснікава напісала ў Мінюст, так і не выйшаў за сцены СІЗА.
“Патрабую неадкладна спыніць ціск, цкаванне і пераслед і аднаго з лепшых адвакатаў краіны”, – адзначыла Марыя ў лісце.
Людміла Казак: Не думала, што могуць такім чынам перапыніць маю прафесійную кар’еру
19 лютага Кваліфікацыйная камісія па пытаннях адвакацкай дзейнасці пры Міністэрстве юстыцыі будзе разглядаць пытанне аб пазбаўленні ліцэнзіі адвакаткі палітвязня Марыі Калеснікавай — Людмілы Казак.
“Ілюзій не маю, – паведаміла сайту palitviazni.info Людміла Казак. – Мяркую, што ліцэнзіі мяне пазбавяць…”
Марыя Калеснікава застанецца пад вартай
Сёння, 21 студзеня, у Мінскім гарадскім судзе разглядалася скарга абароны Марыі Калеснікавай на пастанову суда Партызанскага раёна г.Мінска аб падаўжэнні тэрміну ўтрымання пад вартай.
“Гарадскі суд пакінуў у сіле рашэнне Партызанскага раённага суда г.Мінска ад 16 студзеня 2021 году, – паведаміла сайту palitviazni.info адвакат Людміла Казак. – Марыя застаецца пад вартай”.
“Да канца году будзе вядома, ці працягнуць Марыі Калеснікавай тэрмін утрымання пад вартай…”
Адвакат Людміла Казак нагадала пра тое, што 8 студзеня ў Марыі Калеснікавай заканчваецца чатырохмесячны тэрмін утрымання пад вартай.
“Усе мы, безумоўна, спадзяемся, што Марыя ў хуткім часе апынецца на волі”, – кажа Людміла Казак.
У Марыі Калеснікавай у ізалятары забіраюць кнігі
Марыя Калеснікава, якая ўзначальвала штаб прэтэндэнта на прэзідэнцкую пасаду Віктара Бабарыкі, паведаміла пра чарговы ціск, які на яе пайшоў у ізалятары.
Марыя Калеснікава: Факт падаўжэння тэрміну варты мне і Максіму Знаку – чарговая спроба ціску на нас
Марыя Калеснікава, якая ўзначальвала штаб прэтэндэнта на прэзідэнцкую пасаду Віктара Бабарыкі, застаецца ў СІЗА да 8 студзеня 2021 года.
“Зразумела, што ніякіх заклікаў, якія б пагражалі нацыянальнай бяспецы мы не рабілі і не збіраліся здзяйсняць”, – паведаміла Марыя Калеснікава.
Следчы камітэт адмовіў на ўсе тры скаргі, якія падавала абарона Марыі Калеснікавай
“Як вы бачыце, пакуль паняцце “дыялог” і “закон” усё яшчэ трактуецца неяк па-свойму, – кажуць паплечнікі Марыі Калеснікавай. – Але нічога, нас, як і ўсіх беларусаў, гэта яшчэ ніколі не спыняла”.
Да 2 лістапада адвакат не зможа наведаць у СІЗА Марыю Калеснікаву
26 кастрычніка адвакат Людміла Казак не змагла з-за каранціна сустрэцца са сваёй падабароннай Марыя Калеснікавай у СІЗА Жодзіна.
Таксама стала явдома, што прыйшла адмова са Следчага камітэта на змяненне меры стрымання палітзняволенай Марыі Калеснікавай на хатні арышт.
Марыя Калеснікава: Усе тыя, хто мяне выкрадаў, неверагодна слабыя і ў істэрыцы
Палітзняволеная Марыя Калеснікава даслала ліст тату, у якім распавядае пра сябе і перадае ўсім прывітанне.
“Абдымаю ўсіх, – піша Марыя. – Абавязкова скажы нашай камандзе не здавацца, толькі наперад! Усе тыя, хто мяне выкрадаў, неверагодна слабыя і ў істэрыцы. Яны нават не ўмеюць рабіць добра сваю працу”.
Марыя Калеснікава
Марыя Калеснікава нарадзілася 24 красавіка 1982 гады ў Мінску. Скончыла Беларускую дзяржаўную акадэмію музыкі па спецыяльнасці флейтыст і дырыжор.
З 17 гадоў выкладала флейту ў гімназіі ў Мінску. Іграла на флейце ў оперным тэатры, Нацыянальным акадэмічным канцэртным аркестры Рэспублікі Беларусь пад кіраўніцтвам Міхаіла Фінберга, у Прэзідэнцкім аркестры Беларусі.
У 2007 годзе пераехала ў Германію, вучылася ў Вышэйшай школе музыкі ў Штутгарце на факультэтах старадаўняй і сучаснай музыкі.
У 2010-х гадах вяла актыўную канцэртную дзейнасць і арганізоўвала міжнародныя культурныя праекты ў Германіі і Беларусі.
На працягу 12 гадоў (з 2007 па 2019) пражывала ў Германіі, была ў Беларусі толькі праездам. У 2017 годзе выступіла ў якасці аднаго са стваральнікаў творчага аб’яднання Artemp, які праводзіў розныя мерапрыемствы ў галіне сучаснага мастацтва.
З’яўляецца арт-дырэктарам культурнага цэнтра Ok16.
У 2020 годзе Калеснікава ўзначаліла штаб Віктара Бабарыкі, які вылучаўся на пасаду прэзідэнта Беларусі на выбарах-2020.
16 ліпеня кіраўнікі штабоў Віктара Бабарыкі (Марыя Калеснікава), Валерыя Цапкала (Вераніка Цапкала) і Святлана Ціханоўская заявілі аб аб’яднанні.
Хроніка пераследу
Увечары 8 жніўня 2020 году Марыю Калеснікаву затрымала міліцыя, але праз некалькі хвілін яна была адпушчаная, гэта патлумачылі тым, што “яе пераблыталі”.
Калеснікава прымала актыўны ўдзел у шматлікіх мітынгах у Беларусі, яна таксама звярнулася да работнікаў заводаў, чыноўнікаў, дыпламатаў, сілавых структур і работнікаў тэлебачання і запрасіла іх і далей далучацца да пратэстаў.
18 жніўня ўвайшла ў асноўны склад «Каардынацыйнага савета па арганізацыі працэсу пераадолення палітычнага крызісу», а 19 жніўня была выбрана ў яго прэзідыум.
31 жніўня Калеснікава абвясціла аб стварэнні палітычнай партыі “Разам”.
7 верасня Марыя Калеснікава была выкрадзена невядомымі ў цэнтры Мінска. Раніцай 8 верасня з’явілася інфармацыя аб тым, што яе спрабавалі сілком дэпартаваць з Беларусі ва Украіну, але яна парвала свой пашпарт і зноў была затрыманая.
Дзяржпагранкамітэт Беларусі заявіў, што члены Каардынацыйнага савета Марыя Калеснікава, Іван Краўцоў і Антон Раднянкоў прыкладна ў 4 гадзіны раніцы перасяклі мяжу з Украінай. Паралельна беларускія дзяржаўныя СМІ паведамілі, што Краўцоў і Раднянкоў “гэтай ноччу збеглі за мяжу”, а Калеснікаву затрымалі.
9 верасня бацька Марыі Калеснікавай паведаміў, што яна арыштаваная. Марыя Калеснікава знаходзіцца ў статусе падазраванай па крымінальнай справе, узбуджанай па ч. 3 арт. 361 Крымінальнага кодэкса (Публічныя заклікі да захопу дзяржаўнай улады, або гвалтоўнага змянення канстытуцыйнага ладу Рэспублікі Беларусь). 12 верасня яе перавязлі з мінскага СІЗА ў ізалятар часовага ўтрымання ў Жодзіна.
16 верасня Следчы камітэт Беларусі прад’явіў Калеснікавай абвінавачванне па ч. 3 арт. 361 КК Рэспублікі Беларусь (заклікі да дзеянняў, накіраваных на прычыненне шкоды нацыянальнай бяспецы, учыненыя з выкарыстаннем СМІ і сеткі інтэрнэт). Артыкул прадугледжвае пакаранне ад 2 да 5 гадоў пазбаўлення волі.
Праваабарончай супольнасцю Марыя Калеснікава прызнана палітвязнем.