14 лістапада Магілёўскім міжраённым аддзелам Следчага камітэта ў дачыненні да праваабаронцы Андрэя Бандарэнкі, які знаходзіцца ў турме, узбуджаная крымінальная справа па ч. 2. арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы).
Праваабарончая супольнасць зрабіла заяву: калі Бандарэнка будзе асуджаны па вышэйназваным артыкуле, гэта дазволіць кваліфікаваць яго ў якасці палітычнага вязня.
Міхаіл Жамчужны, якога праваабаронцы прызналі палітвязнем, працягвае змагацца ў калоніі за свае правы.
“Па-першае, не ўсе лісты, якія Жамчужны дасылае, я атрымліваю, – распавяла сайту palitviazni.info праваабаронца Таццяна Равяка, якая вядзе перапіску з палітвязнем. – Мы сталі весці ўлік ліставання і заўважылі, што за апошні месяц не дайшлі мінімум два лісты, у якіх Міхаіл распавядае пра сваё абскарджванне спагнання ў Барысаўскім райнным судзе”.
Былы дэпутат Палаты прадстаўнікоў Сяргей Скрабец, які ў свой час быў адпраўлены за краты за быццам бы нанесены дзяржаве матэрыяльны ўрон, ужо доўгі час нідзе не можа працаўладкавацца і пасля таго, як уступіў у сілу Дэкрэт аб “дармаедах”, чакае апавяшчэння з падаткавай інспекцыі.
“Я па-ранейшаму не працую,– распавёў палітык сайту palitviazni.info. – І на біржу працы не іду, бо ў гэтым няма сэнсу. Там дапамога – усяго каля 12 долараў. Альбо накіруюць гнілую бульбу перабіраць, ужо было такое ў маёй практыцы. Патраціў больш на ежу і адзенне, чым зарабіў”.
“Зараз сайт 1863x.com працуе, але яго ў бліжэйшы час могуць прызнаць экстрэмісцкім і закрыць”, – распавёў блогер сайту palitviazni.info.
Эдуард Пальчыс – блогер і публіцыст, больш вядомы пад нікам “Джон Сільвер”. Заснавальнік сайта 1863x.com. У кастрычніку гэтага году быў асуджаны да “хатняй хіміі”, але яшчэ перад пачаткам судовага працэсу праваабарончая супольнасць прызнала Пальчыса палітвязнем.
Пра пратэстныя настроі беларусаў, акцыі апазіцыі і новае “прагматычнае пакаленне” сайту palitviazni.info распавядае экс-кандыдат у прэзідэнты і былы палітвязень Уладзімір Някляеў.
“У пратэстных акцыях нельга спыняцца, незалежна ад таго, як на іх рэагуе грамадства, – кажа палітык. – Але грамадства павінна бачыць, што ёсць лідары, якія гатовы не проста сустракацца на нейкіх палітытычных мерапрыемствах, але і дзейнічаць больш рашуча, нечым рызыкаваць, каб дасягнуць мэты. І гэта вельмі важна ў тым кантэксце, што наперадзе ў нас не самыя лепшыя часы. Сітуацыя, якая складваецца вакол Беларусі, не дазваляе нам заплюшчваць вочы на гэтую небяспеку”.
Палітвязень Міхаіл Жамчужны ў апошні час неаднойчы заяўляў пра ўзмацненне ў дачыненні яго ціску з боку адміністрацыі калоніі.
Днямі Жамчужнага наведаў адвакат, які пацвердзіў, што Міхаіла афіцыйна прызналі “злосным парушальнікам рэжыму”.
На гэтым тыдні супрацоўнікі міліцыі адвезлі ў псіхіятрычную лякарню “Навінкі” 80-гадовага пенсіянера Аляксандра Лапіцкага, якога праваабарончая супольнасць прызнала палітвязнем.
Як стала вядома сайту palitviazni.info, Лапіцкі будзе праходзіць абследванне як мінімум паўгода.
16 лістапада ў Мінску распачаўся судовы працэс над палітвязнем Уладзімірам Кондрусем, якога амаль праз шэсць гадоў судзяць за ўдзел у масавых беспарадках падчас Плошчы-2010. Аднак пасля таго, як у зале суда Кондрусь паспрабаваў ускрыць сабе вены, было вырашан адправіць падсуднага на комплексную псіхолага-псіхіятрычную экспертызу.
Што далей чакае Уладзіміра Кондруся? Якія перспектывы яго справы? Пра гэта сайту palitviazni.info распавядаюць былыя палітычныя зняволеныя.
16 лістапада ў судзе Маскоўскага раёна распачаўся суд над удзельнікам Плошчы-2010 Уладзімірам Кондрусем, якога праваабаронцы прызналі палітвязнем.
Але наўпрост у судзе Кондрусь паспрабаваў ускрыць сабе вены, пасля чаго ў дачыненні да яго прызначылі стацыянарную комплексную судовую псіхолага-псіхіятрычную экспертызу.
“Да Уладзіміра Кондруся могуць ужыць карную псіхіятрыю, яго могуць прызнаць псіхічна хворым і накіраваць на лячэнне”, – не выключае такі варыянт развіцця падзей палітык Павел Севярынец.
Праваабаронца Валяцін СТЭФАНОВІЧ распавёў сайту palitviazni.info пра тое, чаму можна казаць пра палітычны характар “справы Лапіцкага” і пра “статус палітвязня для пенсіянера”.
“Ізаляцыя Лапіцкага ў псіхітрычную лякарню выглядае як пакаранне за дзеянні, а не неабходная мера, звязаная з яго станам здароўя, – кажа праваабаронца. – Увогуле, ніякіх дзеянняў, якія б сведчылі, што пенсіянер нясе пагрозу для сябе і акружаючых, не было. І зараз мы заклікаем вызваліць яго з псіхіятрычнай лякарні і забяспечыць таму лячэнне, якое было б не звязанае з ізаляцыяй ад грамадства…”
Belarusian
