Журналіста, былога палітвязьня Паўла Шарамета пахавалі на паўночных могілках у Менску. Развітацца з журналістам непасрэдна на могілках прыйшло некалькі сотняў чалавек – родныя Паўла, калегі – журналісты, грамадскія дзеячы, проста людзі каторыя паважалі Паўла Шарамета.
Развітальныя словы над труной з целам сказалі Жанна Літвіна, Мустафа Найем, Ілья Яшын і іншыя.
Напрыканцы развітаньня прагучалі апладысменты, як знак павагі да таго, што паспеў зрабіць падчас жыцьця Павал Шарамет.
Былы палітвязень Мікалай Дзядок распавёў сайту palitviazni.info пра сваё бачанне гэтай парламенцкай кампаніі, ролю ў ёй апазіцыі і магчымых рэпрэсіях.
“Я не думаю, што рэпрэсіі надта перавысяць традыцыйны ўзровень, – кажа суразмоўца. – Так, будзе невялікі ўздым у выглядзе штрафаў ці затрыманняў, як заканамернае следства росту актыўнасці палітычных партый і апазіцыйных кандыдатаў, але вялікай хвалі рэпрэсій не варта чакаць. Няма настолькі сур’ёзнага апазіцыйнага руху, каб супраць яго кідаць вялікі рэпрэсіўны рэсурс”.
“Адміністрацыя калоніі надала Міхаілу Жамчужнаму статус асуджанага, які схільны да экстрэмізму, – распавяла сайту palitviazni.info праваабаронца Таццяна Равяка, якая перапісваецца з палітвязнем. – Ён зараз ходзіць з дзвума біркамі, адна з якіх – з чырвоным абадком, якая і абазначае “экстрэмістаў”. Іх вылучаюць у асобную катэгорыю, гэтых людзей нават дадаткова правяраюць”.
Як стала вядома, статус “схільны да экстрэмізму” Жамчужны атрымаў, зыходзячы з ацэнкі яго перапіскі з іншымі людзьмі, хаця прэтэнзіі па нейкіх канкрэтных лістах не сфармуляваны.
Экс-кандыдат у прэзідэнты, былы палітвязень Мікалай Статкевіч падаў дакументы ў адміністрацыю Цэнтральнага раёна Мінска на рэгістрацыю ініцыятыўнай групы па вылучэнні сябе кандыдатам у дэпутаты.
“Неяк беларуская і міжнародная грамадскасць забыліся, што ў краіне ёсць былыя палітвязні, якія абмежаваны ў сваіх палітычных правах за судзімасць, – распавёў палітык сайту palitviazni.info. – Іх пераследуць, некаторыя мусілі нават пакінуць краіну. І мы хочам падчас выбараў нагадаць пра гэтую праблему. Гэта ў пэўнай ступені акцыя салідарнасці з былымі палітвязнямі, прыцягненне ўвагі грамадства да праблемы. У тым ліку, увагі і міжнароднай супольнасці, якая дамаўлялася не толькі на вызваленне палітвязняў, але і на іх рэабілітацыю”.
Чытаць далей.. »
Сяргей Парсюкевіч – маёр міліцыі ў адстаўцы, які ў свой час быў адным з лідараў прадпрымальніцкага руху, распавёў сайту palitviazni.info, чым ён займаецца зараз, пра сваё стаўленне да апазіцыі і сёняшніх прадпрымальнікаў і ўвогуле – пра сітуацыю ў краіне.
“У 2008 годзе ў Беларусі было шмат ініцыятыўных людзей, якія хацелі нешта змяніць да лепшага. А зараз тут – ціхае балота”, – кажа суразмоўца.
Паэт і адзін з першых палітвязняў у найноўшай гісторыі Беларусі Славамір Адамовіч распавёў сайту palitviazni.info пра тое, за што яго днямі адправілі ў псіхіятрычную клініку.
“Калі я бачу, што ўлада прымае нейкія абсалютна непрымальныя рашэнні, то ўсё маё нутро супраць гэтага пратэстуе”, – кажа паэт і грамадскі дзеяч.
Экс-кандыдат у прэзідэнты, былы палітвязень Уладзімір Някляеў распавёў сайту palitviazni.info пра так званыя парламенцкія выбары, прыхаваныя рэпрэсіі ўладаў і сёняшнюю апазіцыю.
“Умова павінна быць жорсткай: мы ўдзельнічаем у выбарах толькі ў тым выпадку, калі змяняецца выбарчае заканадаўства, і выбары праходзяцьабсалютна празрыста. Вось якая павінна быць на сёняшні дзень пазіцыя беларускай апазіцыі”, – кажа палітык.
Belarusian
